பதுமுகன் இன்பம் நுகர்தல்

நலத் தகை அவட்கு நாகு ஆன் ஆயிரம் திரட்டி நன்பொன்

இலக்கணப் பாவை ஏழும் கொடுத்தனன் போல இப்பால்

அலைத்தது காமன் சேனை அரு நுனை அம்பு மூழ்க

முலைக் குவட்டு இடைப் பட்டு ஆற்றான் முத்து உக முயங்கினானே. 

கள் வாய் விரிந்த கழுநீர் பிணைந்து அன்ன வாகி

வெள் வேல் மிளிர்ந்த நெடுங் கண் விரை நாறு கோதை

முள்வாய் எயிற்று ஊறு அமுதம் முனியாது மாந்திக்

கொள்ளாத இன்பக் கடல் பட்டனன் கோதை வேலான்.

தீம் பால் கடலைத் திரை பொங்கக் கடைந்து தேவர்

தாம் பால் படுத்த அமிர்தோ? தட மாலை வேய்த் தோள்

ஆம் பால் குடவர் மகளோ? என்று அரிவை நைய

ஓம்பா ஒழுக்கத்து உணர்வு ஒன்று இலன் ஆயினானே.