குறிஞ்சி - பொதும்பில் கிழார்

தடங்கோட்டு ஆமான் மடங்கல் மா நிரைக்

குன்ற வேங்கைக் கன்றொடு வதிந்தென

துஞ்சு பதம் பெற்ற துய்த் தலை மந்தி

கல்லென் சுற்றம் கை கவியாக் குறுகி

வீங்கு சுரை ஞெமுங்க வாங்கி தீம் பால்

கல்லா வன் பறழ்க் கைந் நிறை பிழியும்

மா மலை நாட மருட்கை உடைத்தே

செங் கோல் கொடுங் குரல் சிறு தினை வியன் புனம்

கொய் பதம் குறுகும்காலை எம்

மை ஈர் ஓதி மாண் நலம் தொலைவே

செறிப்பு அறிவுறீஇ வரைவு கடாயது